БІЛІМ САПАСЫН ҚАМТАМАСЫЗДАНДЫРУ БОЙЫНША ТӘУЕЛСІЗ АГЕНТТІГI - РЕЙТИНГ

Тәуелсіздік. Кәсібилік. Объективтілік.

 

Қазақстанның жетекші жоғары оқу орындарының ұлттық рейтингі – 2023


  Шолпан Каланова, Білім беру сапанын қамтамасыздандыру бойынша тәуелсіз агенттігі-Рейтинг (IQAA-Ranking) президенті, профессор, п.ғ.д.

 

Қазақстанның жетекші жоғары оқу орындарының ұлттық рейтингін 2023 жылы IQAA-Ranking агенттігі он бесінші рет өткізеді.

Академиялық рейтингтер мен артықшылықтар жөніндегі халықаралық обсерваторияның (IREG) конференцияларында жоғары білім саласындағы халықаралық сарапшылар мақұлдаған рейтинг әдістемесі жоғары оқу орындары мен жоғары білім саласындағы сарапшылардың ұсыныстары негізінде үнемі жетілдіріліп отырылады. Атап айтқанда, биылғы жылы жоғары оқу орындарының ғылыми-жарияланымдық қызметін неғұрлым тиімді бағалау үшін басылымдарға дәйексөздер санының арақатынасы бойынша өлшем Хирш индексімен ауыстырылды. Рейтинг әдістемесімен толығырақ мына жерден танысуға болады.

Дәстүр бойынша институционалдық рейтинг нәтижелері жоғары оқу орындарының санаттары бойынша жарияланды: көпсалалы, техникалық, гуманитарлық-экономикалық және педагогикалық. Абай атындағы Қазақ ұлттық педагогикалық университетінің ұлттық ЖОО мәртебесіне ие болуына және дайындықтың түрлі бағыттары (педагогикалық, гуманитарлық, экономикалық, жаратылыстану-ғылыми) бойынша жұмыс істейтіндігіне байланысты агенттік ЖОО-ны көп бейінді ЖОО санатына ауыстыру туралы шешім қабылдады.

Зерттеу аясында Агенттік сауалнама жүргізді, оған мемлекеттік органдар мен жеке сектордың 700 өкілі, 500 академиялық сарапшы және жоғары оқу орындарының 1000-нан астам студенттері мен түлектері қатысты. Министрліктер өкілдерінің арасында сауалнамаға Қаржы министрлігі, Ішкі істер министрлігі, Еңбек және халықты әлеуметтік қорғау министрлігі, Экология және табиғи ресурстар министрлігі және т.б., сондай-ақ Ақмола, Шығыс Қазақстан, Жетісу, Қызылорда, Ұлытау және басқа да облыстардың әкімдіктері белсенді қатысқаны үшін алғысымызды білдіреміз. 

IQAA-Ranking сонымен қатар 2013 жылдан бері өткізіліп келе жатқан жоғары оқу орындарының білім беру бағдарламаларының рейтингін дайындады. Ағымдағы жылы рейтинг білім беру бағдарламаларының 150 тобы бөлінісінде ұсынылды. Сонымен қатар, агенттік ғылыми жарияланымдар мен веб-сайттар бойынша Қазақстанның жоғары оқу орындарының рейтингін дайындады. Барлық рейтингтердің нәтижелері мен әдістемесі Агенттіктің веб-сайтында қол жетімді.

Қазақстанның жетекші жоғары оқу орындары ұлттық рейтингі-2023 нәтижелері "Казахстанская правда" газетінде 2023 жылғы 14 шілдедегі санында жарияланды.