Агенттік жыл сайын Қазақстанның үздік ЖОО-ларын олар ұсынатын білім сапасы бойынша ранжирлеп, нәтижелерді ұлттық БАҚ-та және Агенттіктің сайтында жариялайды.
Ағымдағы жылы институционалдық рейтингі 2008 жылдан бастап 11-ші рет жүргізіледі, ал бакалавриат/магистратураның білім беру бағдарламаларының рейтингін 2013 жылдан бастап 7-ші рет өткізіледі. IQAA рейтингілерінің артықшылықтары уақытпен тексерілген беделділік, объективтілік және сенімділік болып табылады.
Қазақстанның үздік жоғары оқу орындарының 2019 жылғы ұлттық рейтингі көп өлшемді және 9 шағын рейтингті қамтиды.
Ұлттық рейтингті есептеу кезінде бір-бірінен тәуелсіз деректердің үш түрі пайдаланылатын болады:
1) ЖОО ұсынатын сандық деректер – №1 Сауалнама (70%);
2) Сарапшылар арасында пікіртерім – № 2 Сауалнама (15%). Сарапшылар ретінде республиканың жоғары оқу орындарының басшылары, профессорлары, сондай-ақ жоғары оқу орындарының сыртқы аудитіне қатысқан студенттер тартылатын болады;
3) орталық және жергілікті атқарушы органдардың, жұмыс берушілердің, әр түрлі деңгейдегі компаниялардың, қоғам өкілдерінің №3 Сауалнамасы (15%) бойынша әлеуметтік пікіртерімі, онда ЖОО түлектердің біліктілігін бағалау қажет.
6 шағын рейтингті қамтитын бакалавриат және магистратураның білім беру бағдарламаларының рейтингін есептеу кезінде бір-бірінен тәуелсіз деректердің екі түрі пайдаланылады:
1) Білім беру бағдарламасы бойынша ЖОО ұсынатын сандық деректер – № 4 Сауалнама (80%);
2) 2019 жылы алғаш рет енгізілген №5 Сауалнама (20%) қорытындысы бойынша білім беру бағдарламасының сараптамалық бағамы. Сараптамалық пулды Агенттік жоғары оқу орындарының сыртқы аудитіне қатысқан Қазақстанның жоғары оқу орындарының профессор-оқытушылар құрамынан анықтайды.
Ағымдағы жылы төмендегідей шағын өзгерістер енгізілді:
1) Халықаралық конкурстарда, конференцияларда және олимпиадаларда жеңімпаз студенттер үшін жүлделі орындар 1-ден 5-ке дейін кеңейтілді (институционалдық рейтингте және білім беру бағдарламаларының рейтингінде);
2) "Бір штаттық оқытушыға есептегенде инновациялық патенттердің үлесі" критерийі №4 индикатордан алынып тасталды (институционалдық рейтингте және білім беру бағдарламаларының рейтингінде);
3) "Ұлттық (инженерлік) зертханалар, технопарктер саны" критерийі №4 индикатордан алынып тасталды (институционалдық рейтингте).
Өткен жылы IQAA рейтингісіне қатысқан жоғары оқу орындар соңғы жылдағы деректерді толтырады, ал қалған жоғары оқу орындар соңғы үш жылдағы деректерді ұсынуы тиіс.
Сондай-ақ №1 және №4 Сауалнаманың дұрыстығын салыстыру үшін, қағаз тасығышта толтырылып, жоғары оқу орнының бірінші басшысы қол қояды, бұл ұсынылған деректердің дұрыстығын растайды. Қол білім беру ұйымының мөрімен бекітілуі тиіс.
Осыған байланысты сауалнамаларды толтыру кезінде деректерді мұқият тексерулеріңізді сұраймыз, өйткені ЖОО ұсынған материалдарды сарапшылар мұқият талдайды, ал жалған деректер анықталған жағдайда олар нөлге теңестіріледі.
Рейтингтер нәтижелерін Агенттік жанында жұмыс істейтін рейтингтер бойынша Байқау қоғамдық кеңесі бекітетін болады. Рейтингтің әдіснамасы мен қажетті материалдары Агенттіктің сайтында қолжетімді.
Жоғары оқу орындары мен білім беру бағдарламаларының рейтингтері келісім-шарт жасасумен ақылы негізде жүргізілетіндігін хабарлаймыз.
2019 жылғы үздік жоғары оқу орындарының Ұлттық рейтингісіне қатысу туралы шешім қабылдаған жоғары оқу орындарына ғана электрондық пошта арқылы сұранымға www.university.iqaa-ranking.kz сайтына кіру үшін логин және парольмен бірге №1 және №4 сауалнамаларды электронды түрде толтыру жөніндегі нұсқаулық берілетін болады.
2019 рейтингке өтінім және келісімшарт мына электрондық мекен-жайға қабылданады: Этот адрес электронной почты защищен от спам-ботов. У вас должен быть включен JavaScript для просмотра..
Рейтинг бойынша материалдар (толтырылған сауалнама және растайтын құжаттар) 2019 жылғы 25 ақпанға дейінгі мерзімде мына электрондық мекен-жайға қабылданады: Этот адрес электронной почты защищен от спам-ботов. У вас должен быть включен JavaScript для просмотра., сондай-ақ оларды CD-дискіге Агенттікке жіберу қажет.
Қосымшалар:
1. Қазақстан үздік ЖОО-ның Ұлттық рейтинг әдіснамасы бойынша қысқаша анықтама;
2. Жоғары оқу орындарының институционалдық рейтингі үшін № 1 Сауалнама қосымшаларымен;
3. Білім беру бағдарламаларының рейтингі үшін № 4 Сауалнама қосымшаларымен;
4. №1 Сауалнама бойынша балдарды бөлу;
5. № 4 Сауалнама бойынша балдарды бөлу.
Анықтама телефондары: 8 (7172) 27-77-49, 48-19-52.
